Astanada shaǵyn avtobýspen soqtyǵysqan «jedel járdem» kóligi aýdarylyp qaldy
ASTANA. QazAqparat - Astanada tańǵy saǵat 7-ler shamasynda Pýshkın kóshesi men Abylaı han dańǵylynyń qıylysynda «jedel járdem» kóligi men shaǵyn avtobýstyń qatysýymen bolǵan jol-kólik oqıǵasy oryn aldy.
Bul týraly QazAqparatqa Astana qalalyq ІІD Ákimshilik polıtsııa basqarmasynyń erekshe tapsyrmalar boıynsha aǵa ınspektory Larısa Krasnıkova habarlady.
«Jansúgirov kóshesinen Abylaı han dańǵyly boıymen ıAnýshkevıch kóshesine qaraı júrip kele jatqan «jedel járdemniń» júrgizýshisi Pýshkın kóshesimen Táýelsizdik dańǵylyna qaraı kele jatqan Hyundai Grand Starex shaǵyn avtobýsymen soqtyǵysqan. Jol-kólik apaty saldarynan «jedel járdem» kóligi aýdarylyp, onyń ishindegi feldsher zardap shekti. Ol qaraýdan keıin úıine jiberildi», - dep habarlady Astana qalalyq ІІD ÁPB-nyń erekshe tapsyrmalar jónindegi aǵa ınspektory.
Apatqa kináli bolǵan «jedel járdem» kóligi júrgizýshisiniń túsindirýinshe, ol shaqyrýǵa asyǵyp kele jatqan. Bul rette júrgizýshi dabyl belgisin qosýdy umytyp, baǵdarshamnyń ruqsat etpeıtin belgisine ótip ketken. Apat faktisi boıynsha ákimshilik óndiris qozǵalyp, tergeý ótkizilýde.
