Astanada shaǵyn avtobýs órtke orandy

«Búgin tańerteń saǵat 8:00 shamasynda Qabanbaı batyr jáne Syǵanaq kósheleriniń qıylysynda shaǵyn avtobýstyń órtenip jatqandyǵy týraly habar kelip tústi. Órtke qarsy kúres qyzmetkerler 5 mınýttyń ishinde jetip úlgerdi. Órt shaǵyn avtobýstyń qozǵaltqyshynan shyqqan jáne salonǵa ótken», - dedi Tótenshe jaǵdaılar departamentiniń baspasóz qyzmetinen.

Avtobýs marshrýttyq emes. Sondyqtan onda júrgizýshiden ózge jolaýshylar bolmaǵan. Júrgizýshi der kezinde avtobýstan shyǵyp, órtti sóndirýdi óz kúshimen qolǵa alǵan. Sonymen qatar TJD-niń 7 qyzmetkeri men 1 tehnıka órtti aýyzdyqtýǵa atsalysty. Órt jıyrma mınýttan soń sóndirildi. Qazirgi ýaqytta shyǵyn mólsheri anyqtalýda.