Astanada «Shabyt» jastar shyǵarmashylyǵy festıvali jeńimpazdarynyń esimderi jarııalandy (FOTO)
ASTANA. QazAqparat - Elordalyq Kongress-hollda merekelik gala-kontsert barysynda dástúrli 18-shi «Shabyt» shyǵarmashyl jastar festıvaliniń qorytyndylary shyǵaryldy.
«Shabyt» dástúrli túrde ár jyl saıyn ózgerip otyratyn birneshe atalymdardy jarııalaıdy. Bıylǵy jyly qazylar alqasy konkýrsqa qatysýshylardy «Halyq mýzykasy», «Klassıkalyq mýzyka», «Tsırk óneri», «Beıneleý óneri» jáne «Sporttyq bal bıleri» atalymdary boıynsha baǵalady.
Bıylǵy jyly QR Prezıdentiniń Kýbogy men festıvaldiń gran-prıi úshin Qazaqstannyń, Reseıdiń, Ózbekstannyń, Qyrǵyzstannyń, Qytaıdyń, Polshanyń jáne basqa da elderdiń ártúrli aımaqtarynan 388 ónerpaz saıysqa tústi. Qalanyń úzdik kontsert alańdarynda bes kún boıy konkýrsanttar belgili ártister men mýzykanttardan quralǵan qazylar alqasy aldynda óz talanttaryn ortaǵa saldy.
Festıvaldiń basty marapaty - Qazaqstan Respýblıkasy Prezıdentiniń Kýbogyn skrıpkashy Maqsat Júsipov jeńip aldy. «Tsırk óneri» atalymynda gran-prıge Serik Borashev basqarǵan Almatydaǵy «QazMemTsırk», «Sporttyq bal bıleri» atalymynda Roman Zotodov pen Anna Pozdnıakova (Krasnoıarsk, Reseı) ıe boldy. «Klassıkalyq mýzyka» atalymynyń jeńimpazdary: fortepıano - Rabıǵa Dúısembeaeva, alt, vıolonchel, kontrabas - Pavel Romanenko, skrıpka - Maqsat Júsipov, akademııalyq án salý - Shahrızada Tynyshtyq. «Beıneleý óneri» atalymynda: - músin - Danııar Sarbasov, sándik-qoldanbaly óner - Altynbek Esenǵazıev. «Halyqtyq mýzyka» atalymynda: dombyra - Sáken Bekjanov, dombyramen án salý - Jaqsykeldi Maıasarov.
