Astanada «Shabyt» ortalyǵy buzylyp jatyr: Vıdeoǵa túsinik berildi

ASTANA. QazAqparat – «Astanada Qazaq ulttyq óner ýnıversıtetiniń ǵımaraty buzylyp jatyr», JOO basshylyǵy áleýmettik jelide taraǵan vıdeoǵa qatysty túsinik berdi, dep habarlaıdy QazAqparat.

««Shabyt» Shyǵarmashylyq úıiniń apatty jaǵdaıyna baılanysty jáne ǵımarattyń jaı-kúıi jónindegi memlekettik organdardyń jumys komıssııasy júrgizgen zertteý negizinde, komıssııa kúrdeli jóndeý júrgizý qajettigi týraly sheshim qabyldady. Osyǵan baılanysty qazir ǵımaratta qaıta jóndeý jumystary júrip jatyr», - delingen JOO taratqan málimette.

Aıta keteıik, oqý ornynyń saıtynda ýnıversıtet basqa ǵımaratqa kóshirilip jatqany týraly jazylǵan.

Eske salaıyq, stýdentter «Shabyt» ortalyǵynyń shatyrynan únemi sý aǵatynyn aıtyp, bılik nazaryn osy problemaǵa aýdarý úshin túrli is-sharalar ótkizgen bolatyn. «Jańa adamdar» jastar qozǵalysynyń qatysýymen JOO ǵımaraty aldynda «Shelek shabytty qurtady» atty fleshmob ta ótken edi.