Astanada «Shabyt» festıvaliniń laýreaty, aqyn Serik Seıitmannyń jańa kitabynyń tusaýkeseri ótedi
ASTANA. QazAqparat - 25 qyrkúıekte «Shalqar» radıosynyń bas redaktory, halyqaralyq «Shabyt» festıvaliniń 1-dárejeli laýreaty, T.Aıbergenov atyndaǵy syılyqtyń ıegeri, aqyn Serik Seıitmannyń «Qarashańyraq» atty jańa kitabynyń tusaýkeser rásimi ótedi, dep habarlady uıymdastyrýshylar alqasy.
Keshti aqyn, satırık Kópen Ámirbek júrgizedi. Sondaı-aq, Sholpan Qorǵanbekova jetekshilik etetin «Kók túrikter» etnofolklorlyq ansambli, halyqaralyq «Azııa daýysy» festıvaliniń bas júldegeri, ánshi Baýyrjan Isaev, dástúrli ánshi Jasulan Bazarbekov, kúıshiler Sársenǵalı Júzbaı men Ardabı Máýlet t.b. óner tarlandary óz ónerlerin ortaǵa salady.
Tusaýkeserge buqaralyq aqparat quraldary men zııaly qaýym ókilderi jáne erikti oqyrmandar qatysady. Kesh sońynda oqyrman qaýymnyń árbirine jańa kitap úlestiriledi.
Shara Qazaqstan Respýblıkasy Ulttyq akademııalyq kitaphanasynyń saltanat zalynda saǵat 11.00-de bastalady.
