Astanada «Shabyt» festıvaliniń laýreattary anyqtaldy
ASTANA. 8 qarasha. QazAqparat /Jasulan Amanbaıuly/ - Búgin, dúısenbide Astanada ótip jatqan «Shabyt» shyǵarmashyl jastar festıvaliniń laýreattary men dıplomanttarynyń attary ataldy.
«Úzdik ádebı shyǵarma», «úzdik jýrnalıstik jumys», «beıneleý óneri», «estrada janry», «halyq ánderi» jáne «klassıkalyq ánder» atalymdary boıynsha ónerlerin synaǵan shyǵarmashyl jastarǵa «Shabyttyń» I-shi, II-shi jáne III-shi júldesi, ataýly jáne arnaıy syılyqtar jáne dıplomdar tabystaldy. Bir juma boıy bas shahardy án men kúıge terbegen festıvaldiń Gran-prı júldegerleri men Qazaqstan Respýblıkasy Prezıdentiniń Kýboginiń ıegeriniń esimi búgin keshke eloradadaǵy Beıbitshilik jáne kelisim saraıynda, «Shabyt» festıvaliniń jabylý saltanatynda anyqtalady.
Óner órenderiniń baıqaýyna Reseı, Qazaqstan, Ózbekstan, ıAkýtııa, Qazan, Belarýs jáne basqa da shet memleketterinen 604 úmitker qatysqan bolatyn. Olardyń arasynan eń daryndylardy anyqtaýda Italııa, Ispanııa, Polsha, Frantsııa, Qyrǵyzstan, Ózbekstan jáne Qazaqstan elderiniń ókilderinen quralǵan qazylar alqasy qyzmet etti.
Óziniń ǵumyrynda 13 myńǵa tarta shyǵarmashyl jastyń jigerin janyp, jarqyn talanttaryn tanytýlaryna múmkindik berip, Astanada mádenıet pen óner zııalylarynyń shoǵyryn qalyptastyrǵan halyqaralyq «Shabyt» festıvali elordada bıyl on úshinshi ret ótýde.
«Shabyt» - 1998 jyly Astananyń týǵan jylynda dúnıege keldi. Sodan beri bul festıval Elbasy Nurusultan Nazarbaevtyń jeke qoldaýymen ótip keledi.
