Astanada «Shabyt» festıvali ashyldy
ASTANA. QazAqparat - Búgin Astanada «Shabyt» Halyqaralyq shyǵarmashylyq jastar festıvali saltanatty túrde ashyldy. Bıyl 18-shi márte uıymdastyrylyp otyrǵan baıqaýda baǵyn synaýǵa 388 úmitker nıet bildirgen. Olardyń ónerin ózimizdiń jáne Qytaı, Germanııa, Izraıl, Italııa, Belarýs, Reseıden kelgen tanymal maıtalmandar baǵalaıtyn bolady.
Bas júlde ıegerine 250 myń, altyn medal alǵan konkýrsantqa 200 myń, kúmis júlde 150 jáne qola júlde ıegerlerine 100 myń teńgeden tabystalady. Baıqaý aıasynda qazylar alqasy qatysýshylar ónerin «Dombyramen án salý», «Dombyra», «Tsırk óneri», «Akademııalyq án salý», «Úzdik skrıpkashy» syndy atalymdar boıynsha baǵalaıdy, dep habarlaıdy 24.kz. Sondaı-aq bıyl festıval baǵdarlamasyna «Sporttyq bal bıi» jańa atalymy engizildi. - Kúıshi retinde kúı qorymdy kóbeıte alamyn. Jalpy baıqaý erejesinde 15 kúı bar. ıAǵnı repertýaryma 15 kúı qosylady, - deıdi festıval qatysýshysy Erjan Tóteev.
