Astanada shabandozdar 140 santımetrlik kedergiden sekiredi
ASTANA. KAZINFORM — Astanada 13-15 qarasha kúnderi «Arǵymaq» at sporty kesheninde kedergilerden sekirý (konkýr) boıynsha Qazaqstan Respýblıkasynyń chempıonaty ótedi, dep habarlaıdy elorda ákimdiginiń resmı saıty.
El birinshiligi Qazaqstan Respýblıkasy At sporty federatsııasy bekitken erejelerge sáıkes jabyq manejde uıymdastyrylady. Komandalar 12 qarasha kúni keledi.
Al jarys baǵdarlamasy tómendegideı:
13 qarasha
16:00 – veterınarııalyq ınspektsııa jáne tehnıkalyq jıyn.
14 qarasha
10:00 – saltanatty ashylý rásimi;
10:30 – №1 marshrýt, «A» toby (130 sm);
12:00 – №2 marshrýt, «V» toby (120 sm).
15 qarasha
10:00 – №1 marshrýt, «A» toby (140 sm);
12:00 – №2 marshrýt, «V» toby (130 sm);
16:00 – jeńimpazdar men júldegerlerdi marapattaý rásimi.
Chempıonatqa «A» tobynda jasy 7-den asqan sáıgúlikter men 16 jastan asqan shabandozdar, al «V» tobynda jasy 6-dan asqan jylqylar men 14 jastan asqan shabandozdar qatysady.
Jarysty Týrızm jáne sport mınıstrliginiń Sport jáne dene shynyqtyrý isteri komıteti, Astana qalasynyń ákimdigi jáne Qazaqstan Respýblıkasynyń At sporty federatsııasy uıymdastyrady.
Osyǵan deıin 20 jyldan keıin Qazaqstan Azıadaǵa qaıta oralyp, konkýrdan TOP-20 qataryna engenin jazdyq.
