Astanada «Sh» belgisin taqpaǵan júrgizýshilerge aıyppul salynbaıdy
ASTANA. QazAqparat - Búgin halyqpen kezdesken Astana qalasy Іshki ister departamenti Jergilikti polıtsııa qyzmetiniń basshysy Baqytjan Malybaev qolastyndaǵy qyzmetkerler Astana qalasynda "Sh" degen belgini taqpaǵan bir de bir júrgizýshige aıyppul salmaıtynyn aıtty, dep habarlaıdy QazAqparat.
"Sh" belgisin taqpaǵan júrgizýshilerge aıyppul salynbasyn degen tapsyrma berildi. ıAǵnı, bizdiń patrýldik polıtsııa "Sh" belgisin taqpaǵan júrgizýshilerge aıyppul salmaıdy. Tek toqtatyp, eskertý jasaıdy. Bizdiń ata-analarymyz Keńes úkimeti kezinen sol belgige úırenip qalǵan ǵoı. Biraq, ərbir adam óz qaýipsizdigi úshin ózi jaýap berse, kóliginiń dońǵalaǵynda búri bolsa, belgini taǵyp alsa jón bolar", - dedi B.Malybaev.
Aıta keteıik, JPQ (jergilikti polıtsııa qyzmeti) ýchaskelik polıtsııa ınspektorlary bólimshelerinen, kámeletke tolmaǵandar isteri, áıelderdi zorlyq-zombylyqtan qorǵaý jónindegi bólimshelerden, jol-patrýldik polıtsııasynan, tabıǵatty qorǵaý polıtsııasynan, qabyldaý-bólý oryndarynan jáne arnaýly qabyldaý oryndarynan turady jáne ishki ister organdarynyń biryńǵaı júıesine kiredi.
