Astanada Seıitqazy Mataevqa qatysty basty sot otyrysy bastaldy
ASTANA. QazAqparat - Búgin Astana qalasy №2 Esil aýdandyq sotynda aıyptalýshy Seıitqazy Mataev pen Áset Mataevqa qatysty basty sot talqylaýy bastaldy. Іsti sýdıa Aqbolat Qurmantaev qarap jatyr.
Esterińizge sala keteıik, "QazTAG" aqparattyq agenttigin basqaratyn Seıitqazy Mataev pen onyń uly Áset asa iri kólemde bıýdjet qarjysyn qymqyrǵany jáne asa iri kólemdegi salyq tóleýden jaltarǵany úshin aıyptalýda.
Seıitqazy Mataev 24 aqpannan úıqamaqta otyr. Áset Mataev 28 naýryzda úıqamaqqa otyrǵyzyldy.
Almaty qalasy boıynsha sybaılas jemqorlyqqa qarsy qyzmet Mataevtyń 2011-2015 jyldary Aqparattandyrý komıteti men "Qazaqtelekom" AQ memlekettik saıasatty aqparattyq ilgeriletge jáne baspa betinde materıaldardy ornalastyrýǵa bólgen 300 mln. teńgeden astam qarjyny urlaý faktisin anyqtaǵanyn habarlaǵan bolatyn.
Sonymen birge Mataev 1,4 mlrd. teńge taza paıda keltire otyryp, 327 mln. teńge kólemindegi salyqtaryn tólemegeni habarlandy.
Atap óteıik, Seıitqazy jáne Áset Mataevtarǵa qatysty úı qamaqta bolý merzimin sot tıisinshe 22 qyrkúıekke jáne 28 qyrkúıekke deıin uzartty.
