16:09, 27 Qyrkúıek 2024 | GMT +5
Astanada Seıfýllın kóshesi eki kúnge jabylady
ASTANA. KAZINFORM — Elordanyń oń jaǵalaýyndaǵy kóshede kólik qozǵalysyna tyıym salyndy.
Astana qalasynyń kólik jáne jol-kólik ınfraqurylymyn damytý basqarmasy Seıfýllın kóshesiniń Saryarqa dańǵylynan bastap K. Kúmisbekov kóshesine deıingi ýchaskesinde jol tóseminiń ústińgi qabatyn salý jumysy júrgiziletinin habarlaıdy.
Osyǵan baılanysty 28-29 qyrkúıek aralyǵynda joǵaryda atalǵan ýchaske tolyǵymen jabylady.
Bul rette avtokólik qozǵalysy bir jaǵymen eki baǵytta uıymdastyrylatyn bolady.
«Elorda turǵyndary men qonaqtarynan qala joldarynda keptelis bolmas úshin óz marshrýtyn aldyn ala josparlaýdy suraımyz. Ýaqytsha qolaısyzdyq úshin keshirim suraımyz jáne jol-qurylys jumysyn júrgizýge túsinistikpen qaraýdy ótinemiz» dep eskertedi ákimdikten.
