Astanada Sergeı Safronovtyń bastamasymen sıqyrshylar festıvali ótedi
ASTANA. QazAqparat - «Ekstrasenster shaıqasy» shoýynyń synshysy, belgili sıqyrshy Sergeı Safronov Astanada «Magic Astana» halyqaralyq sıqyrshylar festıvalin usyndy.
Bul keńestik dáýirden keıingi keńistiktegi birden-bir táýelsiz festıval. Joba basshysy Jan Muqanovtyń aıtýynsha, shoý endi jyl saıyn ótkizilmek.
«Magic Astana» sharasyna alǵash ret álemniń ozyq sıqyrshylary jınalmaq, bul eń myqty, joǵary dárejeli «dýagerler men sıqyrshylar» festıvali bolatynyna senimdimin», - dedi Jan Muqanov búgin ótken baspasóz máslıhatynda. Sergeı Safronov óz kezeginde, Astanaǵa sıqyr áleminiń sheberleriniń «tylsym dúnıelerin» ala kelgenin habarlady. «Bul ózderine senimdi sıqyrshylardyń armany edi. Olar Astanany ǵajaıyptar alańyna aınaldyrýǵa ázir», - dep qosty Sergeı Safronov. Ókinishke oraı, uıymdastyrýshylar shoýǵa barlyq bıletterdiń satylyp ketkenin aıtty. Sıqyrshylar keshi 5-6 shildede Beıbitshilik pen kelisim saraıynda ótedi. 6 shildede saǵat 12.00-de az qamtylǵan jáne kópbalaly otbasylardan shyqqan, jetim balalarǵa arnalǵan qaıyrymdylyq baǵdarlamasy ázirlengen.
