Astanada «Sergek» kameralary taǵy da kóbeıedi
ASTANA. QazAqparat - Astana joldaryna «Sergek» júıesiniń taǵy 100 kamerasy ornatylady. Bul týraly qalalyq ІІD baspasóz qyzmetiniń málimetinde aıtylǵan, dep habarlaıdy QazAqparat.
«2017 jyldyń 12 aıynda foto-vıdeotirkeýdiń apparattyq-baǵdarlamalyq keshenderimen 100 myńnan astam ákimshilik quqyqbuzýshylyq anyqtaldy. Onyń ishinde «Sergek» júıesimen tirkelgender de bar. Aqpannyń sońyna deıin Astana ІІD ákimshilik polıtsııa basqarmasynyń qyzmetkerlerimen «Sergektiń» qosymsha 100 keshenin iske qosý josparlanyp otyr», - delingen habarlamada.
«Sergek» apparattyq-baǵdarlamalyq kesheni kómegimen ákimshilik aıppuldary bar boryshkerlerdi anyqtaý múmkindigi bar. Bul rette kólikterdiń memlekettik tirkeý nómir belgileri arqyly aıqyndalady.
«Inspektor planshet arqyly «Sergektiń» kez kelgen kamerasyna qosylyp, 100-150 metr qashyqtyqqa ekıpajdy qoıady. Osy oraıda bul aýmaqtan ótken kólikterdiń barlyǵy tólenbegen aıyppuldar boıynsha tekseriledi. Sáıkestik bolǵan jaǵdaıda kólik toqtatylyp, tıisti sharalar qabyldanady», - delingen habarlamada.
Aıta keteıik, 2018 jyldan bastap azamattar 7 kúnniń ishinde ákimshilik aıyppuldyń (foto-vıdeotirkeý arqyly anyqtalǵan) tolyq somasynan 50 paıyzyn tóleý múmkindigine ıe.
