Astanada «Seniń tańdaýyń - seniń bolashaǵyń» atty nashaqorlyqqa qarsy kúres kúnine arnalǵan is-shara ótedi

ASTANA. 26 maýsym. QazAqparat - Aǵymdaǵy jyldyń 29-shy maýsymynda saǵat 13.00-den 23.00-ge deıin Astana qalasynda «Bolashaq búginnen bastalady!» atty respýblıkalyq aktsııanyń aıasynda

«Seniń tańdaýyń - seniń bolashaǵyń» atty nashaqorlyqqa qarsy kúres kúnine arnalǵan is-shara ótedi. Bul týraly «Báıterek» baspasóz klýby habarlaıdy.

Aktsııanyń maqsaty - nashaqorlyqpen kúres, salaýatty ómir saltyn nasıhattaý, azamattardy patrıottyq rýhta tárbıeleý.

Baǵdarlamaǵa kelesideı sharalar kiredi:

Saǵat 13.00-den 14.00-ge deıin

- 300-ge jýyq jastardyń qatysýymen nashaqorlyqqa qarsy sherý. (Aktsııa mynaıdaı baǵyttar boıynsha ótedi: Manas kóshesi («Otan qorǵaýshylar alańynan») - Táshenov kóshesi - «Ramstor» Saýda ortalyǵyna deıin - «Esil» ózeniniń jaǵalaýy  - «Kongress holl» - Kenesary kóshesi arqyly - elorladyq ákimdiktiń («Jastar» Mádenıet saraıy) mańynan ótedi.

Saǵat 14.00-den 21.00-ge deıin

- Respýblıka dańǵyly 28 meken-jaıy boıynsha «Jastar» Mádenıet saraıynyń alańynda kontserttik baǵdarlama ótedi (Shyǵarmashylyq ujymdar óner kórsetip, sporttyq-kóńil kóteretin oıyndar, Qazaqstan estradasynyń juldyzdarynyń qatysýymen kesh ótedi).

Saǵat 21.00-den 23.00-ge deıin

- Bı keshi (sýsabyn-patı)

«Bolashaq búginnen bastalady!» - deıdi sharanyń uıymdastyrýshylary jáne barlyqtaryn atalmysh is-sharaǵa qatysýǵa shaqyrady.