Astanada «Senim-2010» konkýrsynyń jeńimpazdary marapattaldy
ANA. 10 naýryz. QazAqparat /Arman Asqarov/ - Búgin Astanada bastalǵan «Adam resýrstaryn basqarý: HR ınnovatsııalar» taqyrybyndaǵy VI halyqaralyq konferentsııasy aıasynda «Samuryq-Qazyna» ulttyq ál-aýqat qorynyń tóraǵasy Qaırat Kelimbetov «Senim-2010» konkýrsynyń jeńimpazdaryn marapattady.
Baıqaýdyń qorytyndysy boıynsha «Úzdik HR-joba» atalymynda I dárejeli dıplommen «Qazaqstan temir joly» UK» AQ marapattalsa, «QazMunaıGaz» UK» AQ jáne «Bogatyr Kómir» JShS II jáne III dárejeli dıplomdarǵa ıe boldy. Sondaı-aq «Senim-2010» konkýrsy barysynda elimizdegi úzdik jumys berýshi kompanııalar anyqtaldy. Olardyń ishinde «Qazaqstannyń halyq banki» AQ, «Halyqaralyq bıznes ýnıversıteti» JShS, «Taý-ken kompanııasy» JShS, «Stomfarm» JShS, «NAT Qazaqstan» AQ, Halyqaralyq bıznes akademııasy, «Tvoı shans» JShS jáne «Ajar» JShS bar.
