Astanada Sembiǵalı Smaǵulov eńbekteriniń mereıtoılyq kórmesi ashylady
ASTANA. 7 qarasha. QazAqparat - Búgin Nazarbaev Ortalyǵynda Qazaqstannyń eńbek sińirgen qaıratkeri, «Qazaq Eli» monýmentiniń avtory, músinshi Sembiǵalı Smaǵulovtyń kórmesi ashylady. Іs-shara sýretshiniń 50 jyldyq mereıtoıyna oraılastyrylǵan. Bul týraly Nazarbaev Ortalyǵynyń baspasóz qyzmetine silteme jasap astana.kz habarlady.
Kórmede avtordyń músin, kórkemsýret, grafıka janrynda oryndaǵan 50 týyndysy kópshiliktiń nazaryna usynylady. Sonymen qatar, «Sembiǵalı Smaǵulov» atty albomynyń tusaýkeseri ótedi.
Kórmede sýretshi 2010 jyly Astanada ótken EQYU Sammıtin ótkizýge oraı salǵan "Saltanat Saraıy" ǵımaratynyń shańyraǵyndaǵy "Kók Túrik álemi" atty monýmentaldyq-sándik týyndysy tanystyrylady. Sondaı-aq, "Sembiǵalı Smaǵulov" albomynyń tusaýkeseri ótedi. Onda sýretshiniń ár jyldardaǵy músin, kórkemsýret, grafık janryndaǵy eńbekteriniń reprodýktsııasynan basqa, avtordyń shyǵarmashylyǵy jaıly maǵlumat berilip, qylqalam ıesiniń oılary kórinis tapqan.
Sembiǵalı Smaǵulov - belgili qazaqstandyq sýretshi jáne músinshi. Bıyl sáýir aıynda Qytaı astanasy Beıjiń qalasynda ótken halyqaralyq sýretshiler forýmynda «Kúlli álemdegi beıbitshil sýretshi» qurmetti ataǵyn ıelengen. Sembiǵalı Smaǵulovtyń týyndylary qazaq halqynyń ulttyq jetistigi sanalyp, elimizdiń jetekshi murajaılarynda qoıylǵan. Al avtor stýdent kezinde salǵan «Meniń ákemniń attary» (1987j.) shyǵarmasy Máskeý qalasyndaǵy Shyǵys halyqtary mýzeıinde saqtaýly tur.
