Astanada «Sem bochek» turǵyn úıiniń 12-15 qabat aralyǵyndaǵy syrtqy qaptamasy órtendi
ASTANA. QazAqparat - Búgin saǵat 15:38-de órt sóndirý qyzmetine Astana qalasy Esil aýdany Syǵanaq kóshesi, 5 meken-jaıyndaǵy «Sem bochek» turǵyn úıi otqa oranǵany týraly habar kelip tústi. Bul týraly Astana qalasy TJD baspasóz qyzmeti habarlady.
Oqıǵa ornyna jetkende №5 úıdiń 12-shi qabatynan 15-qabatyna deıingi aralyqta úıdiń syrtqy qaptamasy órtengeni anyqtaldy.
Órt sóndirýshiler oqıǵa ornyna 4 mınýttan keıin kelip jetip, tilsiz jaýdy aýyzdyqtady.
Órt saǵat 16.30-da óshirildi. Oǵan 6 tehnıka men jeke quramnyń 29 adamy tartyldy.
Qazir órt sóndirýshiler oqıǵa ornynda jumys atqaryp jatyr. Japa shekkender joq. Órttiń shyǵý sebepteri anyqtalyp jatyr.
