Astanada saılaý tynysh jaǵdaıda ótip jatyr - elorda ákimdigi
ASTANA. 15 qańtar. QazAqparat /Rýslan Ǵabbasov/ - Astana qalalyq máslıhatynyń depýtattyǵyna 77 adam úmitker.
Elorda ákimdigi baspasóz qyzmetiniń málimetine qaraǵanda, Astanada saǵat 6.00-de 183 saılaý ýchaskesi ashyldy. Halyqaralyq jáne otandyq baıqaýshylardyń, saılaý komıssııalarynyń tóraǵalary men músheleriniń qatysýymen saılaý jáshikteri ashylyp, bıýlletender sanaldy. 20-30 mınýttan soń alǵashqy saılaýshylar kele bastady. Biraq saılaý saǵat 7.00-de Qazaqstan Respýblıkasynyń Ánurany shyrqalǵan soń bastaldy.
Parlament Májilisi men máslıhat depýtattaryn saılaýda Astana ákimi Imanǵalı Tasmaǵambetov óziniń konstıtýtsııalyq quqyǵyn Qazaq gýmanıtarlyq zań ýnıversıtetinde ornalasqan №193-inshi saılaý ýchaskesinde júzege asyrdy.
Jalpy alǵanda, Astanada saılaý tynysh jaǵdaıda ótip jatyr, saılaýshylar belsendiligi joǵary deńgeıde. Saılaý 20.00-ge deıin jalǵasady.
Ortalyq saılaý komıssııasy 2012 jylǵy 15 qańtarǵa Qazaqstan Respýblıkasy máslıhattary depýtattarynyń kezekti saılaýyn taǵaıyndaǵany belgili. Máslıhat depýtattarynyń kezekti saılaýyna úmitkerlerdi usyný 2011 jylǵy 16 qarasha men 14 jeltoqsan aralyǵynda júrgizildi. Astana qalalyq máslıhatynyń depýtattyǵyna 77 adam úmitker.
