Astanada saılaý kúni múmkindigi shekteýli jandar úshin ınvataksı uıymdastyryldy

ASTANA. QazAqparat - «Jas múgedekter qoǵamy» qoǵamdyq birlestiginiń tóraǵasy Murat Ábdimomynov daýys berý úshin qalanyń №74 mektep-gımnazııasynda ornalasqan №331 saılaý ýchaskesine ınvataksı arqyly keldi, dep habarlaıdy QazAqparat Astana ákimdiginiń resmı saıtyna silteme jasap.

«Búgingi saılaýdan keıin elimizdiń jaǵdaıy odan ári jaqsarady jáne iske asqan kóptegen baǵdarlamalar sátti aıaqtalady dep senemin. Sonymen qatar «Qazaq zaǵıptar qoǵamy» qaýymdastyǵynyń qala basshylyǵy men ınvataksı qyzmetiniń qoldaýynyń arqasynda qala shetinen kelýge jáne saılaýǵa qatysýǵa múmkindik jasaǵanyna rızshylyǵymdy bildiremin. Bul qyzmetti qalada múgedektigi bar 29 000-nan astam adam alady. Munyń bárin qala basshylyǵynyń, Jumyspen qamtý jáne áleýmettik qorǵaý basqarmasy uıymdastyrdy. Biz sııaqty jandardyń qoǵamnyń barlyq múshesimen birdeı negizde qalaǵan jerine barýyna múmkindigi bar ekenine qýanamyn», - deıdi Murat Ábdimomynov.

Elordada azamattarǵa yńǵaıly bolý úshin barlyq saılaý ýchaskelerinde taktıldi baǵdarlaýshylar, shaqyrý túımesi, birqatar saılaý ýchaskelerinde lıft ornatyldy.

2 074 jeke kómekshi, 233 ymdaý tili mamany jáne 22 ınvataksı jumyldyryldy.

Esterińizge sala keteıik, búgin Qazaqstanda el prezıdentiniń kezekten tys saılaýy ótip jatyr.

Alǵashqy saılaý ýchaskeleri tańǵy 06:00-de ashyldy.

Foto: gov.kz