Astanada saılaý kúni bazarlardyń jumys ýaqyty ózgeredi
NUR-SULTAN. QazAqparat - Nur-Sultanda saılaý kúni qala bazarlary saǵat 12-den bastap jumys isteıdi, dep habarlaıdy QazAqparat ákimdiktiń saıtyna silteme jasap.
2019 jylǵy 9 maýsymda Qazaqstan Respýblıkasy Prezıdentiniń kezekten tys saılaýyn ótkizýge baılanysty qala bazarlarynyń basshylary osyndaı bastamany kóterdi. Mundaı sheshim kásipkerler men saýda nysandarynyń qyzmetkerleri ózderiniń azamattyq ustanymyn belsendi kórsetip, saılaýǵa qatysýy úshin qabyldanyp otyr.
Osylaısha 9 maýsym kúni elordadaǵy 17 saýda orny jumysyn saǵat 12:00-den bastaıdy: «Artem», «Kók bazar», «Uljan», «Ortalyq», «Ásem», «Alaı», «Etalon», «Sapar», «Ámir», «Altaı», «Kóktal», «Sálem», «Sharyn», «Saryarqa», «Kerýen», «Shapaǵat», «On-Olja».
