Astanada sáıkestikti baǵalaý salasyndaǵy akkredıtatsııalaý jónindegi halyqaralyq konferentsııa ótti

Ortalyq Azııadaǵy ınfraqurylymda damytý sapasy men Qazaqstannyń akkredıtatsııalaýdyń halyqaralyq júıesine yqpaldasýy búgingi sharanyń basty taqyrybyna aınaldy.

Osy sharaǵa Ońtústik Koreıa, Ulybrıtanııa, Túrkııa, Slovakııa, Reseı, Belarýs jáne ILAC Halyqaralyq zerthanalardy akkredıtatsııalaý salasyndaǵy yntymaqtastyq uıymy men RAS Akkredıtatsııalaý jónindegi tynyq muhıt elderiniń yntymaqtastyǵy uıymynyń akkredıtatsııalaý salasyndaǵy jetekshileri qatysty. Konferentsııanyń ashylý rásiminde Indýstrııa jáne jańa tehnologııalar vıtse-mınıstri Albert Raý memlekettiń ekonomıkasy úshin akkredıtatsııalaýdyń mańyzdy ekendigin atap ótti.

«Akkredıtatsııalaý, standarttar men tehnıkalyq reglamentterdiń úılestirilýi halyqaralyq saýdaǵa qanshalyqty yqpal etetindigi belgili.

Atalmysh sharttardyń bolýynsyz ónim óndirýshige halyqaralyq naryqqa shyǵý kúrdeli ári qıyn. Óıtkeni sáıkestikti baǵalaý salasyndaǵy akkredıtatsııalaý ónimniń qaýipsizdigi men onyń básekege qabilettiligin qamtamasyz etý sharalarynyń biri»,-dedi vıtse-mınıstr.

A.Raý sondaı-aq sózinde akkredıtatsııalaýdyń elimizdiń údemeli ındýstrıaldy-ınnovatsııalyq baǵdarlamasyn júzege asyrý baǵytyndaǵy mańyzdy mindetterdiń biri bolyp esepteletindigin aıtty.