Astanada saıajaı, qurylys nysandary men páterlerdi tekserý sharalary bastaldy
ASTANA. QazAqparat - Respýblıka aýmaǵynda 1 qyrkúıekten bastap "Ýchaske" jedel profılaktıkalyq is-sharasy ótýde. Oǵan Ulttyq ulan áskerı qyzmetkerleri, Elorda garnızonynyń barlyq bólimsheleri men qyzmetteriniń jeke quramdary qatysýda. Bul týraly búgin ótken brıfıngte Astana qalalyq ІІD ákimshilik polıtsııa basqarmasy basshysynyń orynbasary Ǵosman Jakın aıtty.
Onyń málimetinshe, shara barysynda Astana qalalyq ákimshilik polıtsııasynyń ýchaskelik polıtsııa ınspektorlary turǵyndar týraly aqparat jınaý úshin ózderiniń qyzmet etetin ýchaskesinde ornalasqan úılerdi aralaıdy. Barlyq turǵyndarǵa ákimshilik ýchaskede qyzmet etetin ІІO-nyń kezekshi bólimderiniń baılanys telefondary jáne ýchaskelik polıtsııa ınspektorlarynyń baılanys derekteri men vızıt kartochkalary taratylady. "Sharanyń basty maqsaty - elordadaǵy jaǵdaıdy turaqtandyryp, barlyq polıtsııa bólimderiniń ákimshilik ýchaskelerde oryn alǵan qylmystardy izin sýytpaı ashý áreketterin jandandyrý", - dep atap ótti Ǵ. Jakın. Onyń aıtýynsha, shara aıasynda ýchaskelerdegi barlyq turǵyn úıler men páterler aralanyp, ІІO-da profılaktıkalyq esepte turǵan azamattar turǵylyqty meken jaılary boıynsha tekseriledi. Jeke azamattardyń atys qarýlary saqtaý erejelerine sáıkes sýretke túsirilip, esepke alynady. Sondaı-aq, saıajaılar, qurylys nysandary, saýda oryndary, jalǵa beriletin páterler men ǵımarattar tekserilip, tizimderi keleshekte tıisti sharalar qabyldaý úshin salyq organdaryna jiberiledi. "Sonymen birge polıtsııa kúshteri eldegi turý erejelerin buzǵan shet el azamattaryn, jasyryn kóshi-qon uıymdastyrýshylardy, sondaı-aq sheteldik jumysshylardy jumysqa tartý erejelerin buzǵan jumys berýshilerdi anyqtap, tıisti sharalar qabyldaıtyn bolady", - Ǵ. Jakın. Aıta keteıik, is-shara 1 qyrkúıekten bastap 1 jeltoqsan aralyǵynda ótedi.
