Astanada saıası repressııa qurbandaryn eske alý sharalary ótti
ASTANA. QazAqparat - Astanada 31 mamyr - Saıası qýǵyn-súrgin qurbandaryn eske alý kúnine arnalǵan birqatar sharalar ótti.
Keshe «Qazaqstan» ortalyq kontsert zalynda Darıa Vıolına men Sergeı Pavlovskııdiń «Ómirden uzaq» jáne «Biz ómir súremiz» atty derekti fılmderi kórsetilgen. Onda ALJIR-ge qamalǵandardyń qıyn taǵdyry jóninde aıtylady. Táýelsizdik saraıynda elorda ákimdiginiń qoldaýymen Іlııas Jansúgirovtyń qoǵamdyq qory, «Nedelka Projekt» art-bastamasy «1937: Terrıtorııa pamıatı / Joqtaý» art-jobasyn tanystyrdy.
Kórme saıası repressııa qurbandaryn eske alý qarsańynda ashyldy. Art-jobada qoıylǵan shyǵarmalar medıa formasy boıynsha túrli etip jasalǵan. Alaıda bir maqsat tóńireginde: umytpaý, qaıtalanýǵa jol bermeý úshin jınalǵan. Atalaǵan shara QR Táýelsizdik Saraıynda ótedi.
Saıası repressııa men totalıtarızm qurbandarynyń beınesin «ALJIR» murajaı-memorıaldyń kesheninen kórem deýshiler men oǵan qatysýshylar úshin avtobýstar uıymdastyryldy.
Mıtıng baryrysynda murajaı zaldary boıynsha ekskýrsııa ótti. Onda «ALJIR-diń tanymal esimderi» vıdeopanoramalyq kórmesi tanystyryldy.
Sáken Seıfýllın atyndaǵy murajaıda «Armanda ketken arystar» ekskýrsııasy ashyldy. Sondaı-aq, búgin Sáken Seıfýllın atyndaǵy eskertkish aldynda Astananyń joǵary oqý oryndary stýdentteri saıası repressııa men Qazaqstandaǵy ashtyqtyń qurbandaryn eske alyp, aktsııa ótkizdi. Odan keıin qonaqtar men aktsııaǵa qatysýshylar jazýshynyń eskertkishiniń aldyna gúl shoqtaryn qoıyp, bir mınýttyq únsizdikpen surapyl jyldardyń barlyq qurbandaryn eske aldy.
Búgin 15.00-de «1932-1933 jyldardaǵy asharshylyq qurbandaryna taǵzym» Monýmentine gúl shoqtary qoıyldy.
Al, keshke Qalıbek Qýanyshbaev atyndaǵy memlekettik akadamııalyq qazaq mýzyka-drama teatrynda Shyńǵys Aıtmatovtyń «Ǵasyrdan da uzaq tún» spektakli qoıyldy, dep habarlady «Báıterek» medıa ortalyǵynan.
