Astanada saıası partııalardyń teledebaty bastaldy
ASTANA. KAZINFORM — Búgin Astanadaǵy «Qazmedıa ortalyǵy» ǵımaratynda Qazaqstan tarıhyndaǵy alǵashqy Quryltaı saılaýyna qatysatyn saıası partııalar ókilderiniń qatysýymen televızııalyq saılaýaldy debat bastaldy.
Joba tikeleı efırde «Jetinshi arnada» kórsetilip jatyr.
Debattar bastalar aldynda saıası partııalardyń ókilderi óz jaqtastarymen jáne buqaralyq aqparatquraldarynyń ókilderimen kezdesti.
Sondaı-aq«Jetinshi arnanyń» tikeleı efırindeqatysýshylardyń sóz sóıleý kezegin anyqtaıtynashyq jerebe tartý rásimi ótip, onyń qorytyndysyboıynsha debattaǵy sóz sóıleý reti belgilendi.
Debattardyń negizgi taqyryby – bilim berý júıesin damytý.
Joba ınteraktıvti formatta ótip, Qazaqstandaǵyjeti saıası partııanyń ókilderin biriktirdi:
1. Respublica partııasy – Meıramgúl Madalı;
2. «Aq jol» partııasy – Dýlat Tastekeı;
3. JSDP – Maksýt Nasıbýlov;
4. «Ádilet» partııasy – Raýan Kenjehanuly;
5. «Baıtak» partııasy – Aslan Baızahanov;
6. «Aýyl» partııasy – Shahmardan Baımanov;
7. Qazaqstannyń Halyq partııasy – BeıbitQusaıynov.
Debattar tórt kezeńnen turady.
Birinshi kezeńde partııa ókilderi ózderiniń saılaýaldy baǵdarlamalaryn tanystyryp, ashyq pikirtalasqa qatysady.
Ekinshi kezeń bilim berý júıesin damytýǵa qatystyusynystardy talqylaýǵa arnalǵan.
Úshinshi kezeńde qatysýshylar stýdııadaǵykórermenderdiń suraqtaryna jaýap beredi. Sońynda saılaýshylarǵa qorytyndy úndeý jasaıdy.
Jobanyń basty erekshelikteriniń biri – kórermenderdiń belsendi qatysýy. Tikeleı efır barysynda QR-kod arqyly onlaın daýys berý uıymdastyrylǵan. Kórermender «Qaı partııa ókiliniń sózi ótimdi?» degen suraqqa jaýap bere alady. Daýys berýdiń aralyq nátıjeleri ekinshikezeńnen keıin, al qorytyndysy tikeleı efır sońynda jarııalanady.
Televızııalyq debattyń tikeleı translıatsııasy«Jetinshi arnanyń» efırinde, sondaı-aq arnanyńresmı áleýmettik jelidegi paraqshalarynda kórsetilip jatyr.
