Astanada Saıası qýǵyn-súrgin jáne asharshylyq qurbandaryn eske alý kúnine oraı gúl shoqtaryn qoıý rásimi ótedi
ASTANA. 30 mamyr. QazAqparat - Erteń, 31 mamyr kúni Aqmol kentindegi Saıası qýǵyn-súrgin jáne totalıtarızm qurbandaryna arnalǵan «Aljır» murajaılyq-memorıaldyq kesheninde Saıası qýǵyn-súrgin men asharshylyq qurbandaryn eske alý kúnine oraı gúl shoqtaryn qoıý rásimi ótedi.
Bul týraly QR Prezıdenti janyndaǵy Ortalyq kommýnıkatsııalar qyzmetinen habarlady.
"Sol kúni Astanada (saǵat 15.00-de) Abaı jáne Respýblıka dańǵyldarynyń qıylysyndaǵy «1932-1933 jyldardaǵy asharshylyq qurbandarynyń rýhyna taǵzym» Monýmenti janynda osy dataǵa oraı gúl shoqtaryn qoıý sharasy ótedi", - delinedi habarlamada.
Sharaǵa Qazaqstan RespýblıkasyParlamentiniń, máslıhattyń depýtattary, memlekettik organdardyń, ǵylymı jáne shyǵarmashylyq zııaly qaýymnyń, azamattyq qoǵam ınstıtýttarynyń, sondaı-aq BAQ ókilderi qatysady.
