Astanada Saıası qýǵyn-súrgin jáne asharshylyq qurbandaryn eske alý kúni birqatar sharalar uıymdastyrylady
ASTANA. QazAqparat - 31 mamyrda Qazaqstanda Saıası qýǵyn-súrgin jáne asharshylyq qurbandaryn eske alý kúni atap ótiledi. Tarıhymyzdaǵy qaraly kúnderdi esten shyǵarmaı, jadymyzda saqtaýymyz qajet. Osyǵan baılanysty elordada ótkiziletin sharalar týraly astana.kz saıtyna Astana qalasynyń Bilim basqarmasynan baıandady.
«ALJIR» murajaıynda «Eske alý qabyrǵasyna» jáne 1932-33 jyldardaǵy asharshylyq qurbandaryna arnalǵan monýmentke gúl qoıý rásimi jáne mıtıng uıymdastyrylady. Sonymen qatar, Sáken Seıfýllın atyndaǵy murajaıda «Armanda ketken arystar» taqyrybynda ekskýrsııalar ótedi. Al teatr súıer qaýym bul kúni Q,Qýanyshbaev atyndaǵy memlekettik akademııalyq qazaq mýzykalyq drama teatrynda Sh.Aıtmatovtyń «Ǵasyrdan da uzaq kún» spektaklin tamashalaıdy. Táýelsizdik saraıynda elorda turǵyndary men qonaqtarynyń nazaryna «Terrıtorııany joqtaý» atty kórme usynylady. Kórme tamyz aıynyń ortasyna deıin ótedi.
Aıta keteıik, Qazaqstanǵa barsha Keńes odaǵynan mıllıondaǵan adam jer aýdaryldy. «Halyq jaýyn» anyqtaý saıasaty talaı adamnyń, otbasynyń ómirin jalmady, mıllıondaǵan qazaq 1932-33 jyldary asharshylyqtyń qurbany boldy.
