Astanada «Saıabaqtar marshy» bastaldy
ASTANA. QazAqparat - Búgin elordalyq qurylys otrıadynyń 50-ge jýyq ókili búkil álemde 1990 jyldan beri atalyp ótetin halyqaralyq «Saıabaqtar marshy» ekologııalyq aktsııasy aıasynda «Araı» parkine jınaldy, dep habarlady qalalyq ákimdiktiń baspasóz qyzmetinen.
Shara erekshe qorǵalatyn tabıǵı aımaqtardy qoldap, azamattardyń nazaryn qorshaǵan ortany kógaldandyrýǵa aýdarý maqsatynda tuńǵysh ret ótkizilip otyr. Bahytjan Júnisbekov, Astana qalasy Jastar saıasaty máseleleri basqarmasynyń Jastarsaıasatyn qoldaý memlekettik qorynyń dırektory: - Búgin jastar jumysty elordamyzdyń júregi - sol jaǵalaýdan bastady. Atalmysh aktsııa aıasynda qurylys otrıadynyń jastary saıabaqtar men aýlalardaǵy tazalyqty saqtaý jáne kógaldandyrýǵa da atsalysady. Bul bir kúndik aktsııa emes, shara jyl sońyna deıin jalǵasady. Jastar saıabaqtar aýmaǵyndaǵy qoqysty jınap, aramshópterdi julyp, shóp shapty. Astanada barlyǵy 9 qalalyq park pen 38 shaǵyn saıabaq bar. Atalǵan ekologııalyq shara - elordamyzdyń jasyl aýmaǵyn tazalaý jolyndaǵy jarqyn bastama.
