Astanada Saýran kóshesiniń bir bóligi bir aıǵa jabylady
ASTANA. KAZINFORM — Elordada maýsym aıynda Saýran kóshesinde kólik qozǵalysy shekteledi, dep habarlaıdy qala ákimdiginiń baspasóz qyzmeti.
Bıylǵy jyldyń 1–30 maýsymy aralyǵynda ınjenerlik jelilerdi ornatý jumystarynyń júrgizilýine baılanysty Saýran kóshesiniń boıyndaǵy jergilikti joldyń Almaty kóshesinen Kereı Jánibek handar kóshesine deıingi ýchaskesinde qozǵalys tolyqtaı jabylady.
— Júrgizýshiler men jaıaý júrginshilerden marshrýttardy aldyn ala josparlaýdy jáne qozǵalysty uıymdastyrýdaǵy yqtımal ózgeristerdi eskerýdi suraımyz. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady, — delingen habarlamada.
Budan buryn Astanada kishi Taldykóldegi ekoparkti abattandyrý jumysy bastalǵanyn jazdyq.
