Astanada saýnany jezókshelerge jalǵa bergen ákimshi ustaldy
ASTANA. QazAqparat - Astana ІІD jergilikti polıtsııa qyzmetiniń qyzmetkerleri jezókshelikpen aınalysýǵa ǵımaratty usynǵan saýna ákimshisin ustady. Bul jaıynda Іshki ister departamenti baspasóz qyzmetiniń málimetinde aıtylǵan, dep habarlaıdy QazAqparat.
«1968 jyly týǵan azamat jezókshelikpen aınalysý úshin kelgen 1991, 1993, 1994 jylǵy jas qyzdarǵa ǵımaratty jalǵa bergen. Óz kezeginde ǵımarat ákimshisi bundaı qadamǵa saýnada klıentter múldem bolmaǵannan keıin barǵanyn aıtyp aqtalýda», - dep atap ótilgen habarlamada.
QR ÁQBtK 450-shi babynda eskerilgen quqyq buzýshylyq úshin, ıaǵnı jezókshelikpen aınalysýǵa ǵımaratty bergeni úshin sot 49 jastaǵy er azamattan 100 AEK (226 900 teńge) kóleminde aıyppul óndirip alý úkimin shyǵardy.
Jyl basynan beri Astana ІІD jergilikti polıtsııa qyzmeti QR Ákimshilik quqyq buzýshylyqtar týraly kodekstiń 450-shi baby boıynsha 7 ákimshilik quqyq buzýshylyqty anyqtady, al 2016 jyly osyndaı 42 qylmys belgili boldy.
