Astanada sáýir aıynan beri Esil ózeninen 156 tonna qoqys shyǵarylǵan
ASTANA. QazAqparat - Jyl saıyn kóktem mezgiliniń kelýimen elordada Esil ózeniniń arnasyn tazartý jumystary qarqyndy júrgiziledi. Astana qalasy "Esil" aýdany ákimdiginiń habarlaýynsha, "QazBıoServıs" JShS turaqty túrde aýdan aýmaǵyndaǵy tazartý jumystaryn júzege asyrady, dep habarlaıdy elorda ákimdiginiń baspasóz qyzmeti.
Kúndelikti kompanııa jumysshylary jaǵalaý men sý betin, qamys arasyn, baldyrlardy tazartýmen aınalysady.
Búgingi tańda merdiger mekeme atalmysh jumysqa 3 qaıyq, 2 dana júk tıegish kólik pen 25 jumysshyny tartty.
"Esil" aýdany ákimdigi abattandyrý bóliminiń málimetine súıensek, aǵymdaǵy jyldyń sáýir aıynan beri Esil ózeniniń arnasyn tazartý kezinde 156 tonna qoqys shyǵarylǵan bolatyn.
