Astanada sáýir aıynan bastap jol jóndeý jumystary bastalady - ákimdik
ASTANA. 31 naýryz. QazAqparat /Gúlnár Jandaǵulova/ - Astanada 4 sáýirden bastap jol-qurylys jumystary júrgizile bastaıdy,
dep habarlady ákimniń baspasóz qyzmetinen.
«Aǵymdaǵy jyly elordada 34 shaqyrym jol salynyp, 26,3 shaqyrymǵa jóndeý, 27,7 shaqyrymyna qaıta jóndeý jumystaryn júrgizý josparlanýda. Sondaı-aq qalamen birikken eldimekenderde 55,68 shaqyrym jol salynady», - dep habarlady Astana qalasynyń Jolaýshylar tasymaly jáne avtomobıl joldary basqarmasynyń bastyǵy Rashıd Amanjolov.
«Bul turǵyndarǵa birqatar qolaısyzdyqtar ákeledi. Sebebi qalanyń ortalyq magıstralderinde qozǵalys shektelip, qalalyq jolaýshylar kóligi baǵyttarynda ózgerister bolady. Osy turǵyda biz aldyn ala keshirim suraımyz», - dedi R. Amanjolov.
Mysaly, 7 sáýirden bastap Jeńis dańǵyly men Imanov kóshesindegi qaıta jóndeý jumystaryna baılanysty Birjan sal kóshesiniń Gete kóshesinen Esenberlın kóshesine deıingi bóligi, Esenberlın kóshesinen Á.Moldaǵulova kóshesine deıingi Jeńis dańǵyly jáne ıAnýshkevıch kóshesinen Brýsılovskıı kóshesine deıingi Imanov kóshesinde qozǵalys shekteledi.
R.Amanjolov ázirlengen jobalarda jańa ınjenerlik jeliler salý, eski ınjenerlik jelilerdi aýystyrý jáne qaıta salý, kólik qozǵalatyn jol bóligin keńeıtý, qosymsha avtoturaq oryndaryn, jaıaý júrginshige arnalǵan joldar salý, jańa baǵdarsham, jyldamdyq ólsheýishter, jol belgileri jáne jol qozǵalysyn retteıtin basqa da tehnıkalyq qurylǵylardy ornatý qarastyrylǵanyn aıtyp ketti.
Sonymen qatar, onyń aıtýynsha, qala ákimshiligi jaqyn aýmaqta turatyn adamdarǵa aınalma joldar usynatyn bolady.
Mysaly, Astana qalasynyń Jol polıtsııasy basqarmasy avtokólikterge aınalma jolmen júrýdi aldyn ala josparlap, Birjan sal kóshesiniń Gete kóshesinen Esenberlın kóshesine deıingi bóligi, Esenberlın kóshesinen Á.Moldaǵulova kóshesine deıingi Jeńis dańǵyly joldaryn aınalyp ótýdiń tómendegi shemalaryn paıdalanýǵa keńes beredi: -Bógenbaı dańǵyly - Respýblıka dańǵyly - Gete kóshesi; - Bógenbaı dańǵyly - Beıbitshilik kóshesi - Esenberlın kóshesi - Tımırıazev kóshesi - Gete kóshesi; - Bógenbaı batyr dańǵyly - Jeńis dańǵyly - Moldaǵulova kóshesi - Beıbitshilik kóshesi - Esenberlın kóshesi - Tımırıazev kóshesi - Gete kóshesi. - Bógenbaı batyr dańǵyly - Jeńis dańǵyly - Moldaǵulova kóshesi - Katchenko kóshesi - Zataevıch kóshesi - Konstıtýtsııa kóshesi.
ıAnýshkevıch kóshesinen Brýsılovskıı kóshesine deıingi Imanov kóshesiniń aınalma jol shemasy: - Mırzoıan kóshesi - ıAnýshkevıch kóshesi - Kenesary kóshesi; - Abylaı han dańǵyly - Pýshkın kóshesi - Kravtsov kóshesi; - Mırzoıan kóshesi - Muńaıtpasov kóshesi - Táýelsizdik kóshesi - Kravtsov kóshesi.
Qaıta jóndeý jumystary kezinde avtokólik júrgizýshilerin eskertý maqsatynda Jeńis dańǵyly men Imanov kóshesindegi úılerdiń kireberisterinde eskertý jáne tyıym salatyn jol belgileri ilinedi.
