Astanada sáýir aıy boıy joldardaǵy qaýipsizdiktiń aýqymdy sharasy ótkiziledi
ASTANA. QazAqparat - Astana qalasy ІІD Ákimshilik polıtsııa basqarmasy sáýir aıy boıy elorda aýmaǵynda «Nazar aýdaryńyz, baǵdarsham» atty aýqymdy aldyn alý sharasyn ótkizedi. Bul týraly búgin basqarma bóliminiń asa mańyzdy ister boıynsha aǵa ınspektory Baqytjan Altybaı málim etti.
Osy shara barysynda 1-10 sáýir aralyǵynda jaıaý júrginshiler tarapynan jol erejesin buzýshylyqtardyń aldyn alýǵa negizdelgen aktsııa ótkiziledi. «Bıylǵy jyldyń basynan beri jeti myńnan astam jaıaý júrginshi ákimshilik jaýapkershilikke tartyldy», - dedi ol.
Munymen qosa, 11-20 sáýir aralyǵynda kóliktegi balalardyń qaýipsizdigine aıryqsha mán beriledi. Osy baǵytta balalar úshin arnaıy oryndyqtar men qaýipsizdik beldikterin qoldanýǵa nazar aýdarylady.
Al 21-30 sáýir aralyǵynda kólikti mas kúıinde basqarýǵa jol bermeý maqsatyndaǵy sharalar ótkiziledi.
Osy oraıda qala kósheleri men joldarynda tekseris júrgizý josparlanyp otyr.
«Bıylǵy úsh aıda elorda joldarynda 121 jol-kólik oqıǵasy oryn alyp, 8 adam qaza tapty jáne 137 adam jaraqat aldy»,- dedi B. Altybaı.
