Astanada saýda úıin «mınalaǵan» jalǵan lańkes túrmede jazasyn 4 jyl 1 aı óteıdi
ASTANA. 5 aqpan. QazAqparat - Astana qalasynyń № 2 Almaty aýdandyq sotynyń úkimimen lańkestik aktisi týraly kórineý jalǵan habar bergen M.Álmenov 4 jyl 1 aıǵa bas bostandyǵynan aıyrý jazasyna kesildi.
Bul týraly Astananyń aýdandyq qadaǵalaý organynyń baspasóz qyzmetinen habarlady.
2012 jyldyń 27 qyrkúıeginde saǵat 14:35-te «102» nómirine Astana qalasyndaǵy Abaı kóshesinde ornalasqan «Jannur» saýda úıiniń artynda kúmis tústi, tórtburyshty bomba jatqany týraly habar kelip tústi.
Atalǵan nysandy tekserý kezinde jarylǵysh zat tabylǵan joq.
Astananyń «Almaty» aýdandyq ІІB-niń qyzmetkerleri osy kúni telefon shalǵan adamdy - 1989 jylǵy M.Álmenovty ustady.
Lańkestik aktisi týraly kórineý jalǵan habar berý faktisi boıynsha QR QK-niń 242-babymen qylmystyq is qozǵaldy.
Astananyń №2 Almaty aýdandyq sotynyń 04.02.2013 jyly shyǵarǵan úkimimen atalǵan qylmysty jasaǵany úshin M.Álmenov 4 jyl 1 aıǵa bas bostandyǵynan aıyrý jazasyna kesildi.
Sondaı-aq «Almaty» aýdany prokýrorynyń bergen talabynyń negizinde sot M.Álmenovten memleketke keltirilgen shyǵyn 534 988 teńgeni óndirip aldy.
