Astanada satyp alýshylardy aldaǵan avtosalon dırektory sottaldy
ASTANA. KAZINFORM – Avtosalon dırektory bir jyl boıy klıenttermen Qytaıdan avtokólikterdi satyp alý jáne jetkizý boıynsha brondaý sharttaryn jasasqan.
Ol satyp alýshylardan alynǵan aqshalaı qarajatty jeke maqsattaryna paıdalanǵan.
Avtokólikterdi jetkizý jónindegi mindettemelerin oryndap jatqandaı kórinis jasaý maqsatynda jábirlenýshilerge banktik aýdarymdar jasalǵany týraly jalǵan qujattardy usynǵan.
Sottalýshynyń áreketterinen 6 adam zardap shegip, olarǵa jalpy somasy 128 mln teńgeden asa materıaldyq zalal keltirilgen.
Memlekettik aıyptaýshy onyń kinásin tolyq dáleldedi.
Sot úkimimen oǵan 6 jyl 8 aı merzimge bas bostandyǵynan aıyrý jazasy taǵaıyndaldy.
Astana qalasynyń prokýratýrasy málimetinshe, materıaldyq zalaldy óndirý týraly azamattyq talap qoıýlar qanaǵattandyryldy.
Úkim zańdy kúshine endi.
Aıta keteıik, Almatyda 25 mıllıard teńge tartqan qarjy pıramıdasynyń basshysy sottaldy.
