Astanada Saryarqa aýdany ákimdiginiń jańa ǵımaraty ashyldy
ASTANA. 30 jeltoqsan. QazAqparat - Búgin Astanada qala basshysy Imanǵalı Tasmaǵambetovtiń qatysýymen Saryarqa aýdany ákimdiginiń jańa ǵımaraty saltanatty ashyldy, dep habarlady astana kz.
«Bul jyl qalamyzda jáne Saryarqa aýdanynda oryn alǵan taǵy da bir jaqsy oqıǵamen este qalmaq - biz ákimdiktiń jańa ǵımaratynyń qurylysyn aıaqtadyq. Búgin 320 myń halqy bar aýdan ákimdigi, qalamyzdyń tarıhı mańyzdy bóligindegi jańa jaryq ǵımaratqa ıe bolyp otyr. Sizderdi shyn júrekten quttyqtaımyn!», - dedi Astana ákimi.
Saryarqa aýdany ákimdiginiń ashylýy jańa 2014 jyl qarsańynda ótti. Jańa ǵımaratta ótken alǵashqy kezdesýde elorda basshysy Astananyń bıylǵy jetistikterine toqtalyp, onyń qala úshin tabysty ári jemisti bolǵanyn atap ótti.
