Astanada sary aýrýǵa baılanysty mektepte keshendi sanıtarlyq óńdeý júrgiziledi
ASTANA. QazAqparat - Astanadaǵy №35 mektepte oqýshydan A gepatıti anyqtalýyna baılanysty keshendi sanıtarlyq óńdeý júrgiziledi, dep habarlaıdy QazAqparat.
Astana qalasy bilim basqarmasynyń qyzmetkerleri muny rastap otyr. Qazirgi kezde bilim mekemesinde tolyq sanıtarlyq óńdeý bastalyp úlgerdi, degenmen mektep karantınge jabylǵan joq.
«Oqýshysy aýyrǵan synyp karantınge jabyldy, mektepke endi kele jatqan balalardy kirgizýge, oqýshylardy bir synyptan ekinshi synypqa ótkizýge tyıym salyndy, sondaı-aq úıirmelerdiń, sektsııalardyń, mádenı sharalardyń jumysy toqtatyldy», - dep málimdedi Astana bilim basqarmasynyń baspasóz qyzmeti.
Mekteptegi jaǵdaı baqylaýǵa alynǵan. Úsh kúnnen artyq sabaqqa kelmegen oqýshy tek dárigerdiń anyqtamasymen ǵana sabaqqa kirgiziledi.
Bilim basqarmasyndaǵylardyń aıtýynsha, bul sharalar bir aı jalǵasady, qajet bolǵan jaǵdaıda odan da kópke sozylýy múmkin.
