Astanada sarapshylar Qazaqstannyń áskerı qaýipsizdigin talqylaýda

ASTANA. QazAqparat - Astanada QR Prezıdenti janyndaǵy Qazaqstannyń strategııalyq zertteý ınstıtýty sarapshylarynyń qatysýymen «Qazaqstannyń áskerı qaýipsizdigin qamtamasyz etý máseleleri jáne sheshý joldary» atty konferentsııa ótýde.

Shara aıasynda QR áskerı qaýipsizdigin qamtamasyz etý júıesi, onyń áskerı-strategııalyq aspektileri jáne osy saladaǵy ǵylymnyń róli talqyǵa salynady. Sonymen qatar sarapshylar áskerı kadrlardy daıyndaý jáne jastarǵa áskerı-patrıottyq tárbıe berý jaıttary da sóz bolmaq.

Konferentsııaǵa áskerı ǵylymnyń bilikti sarapshylary, sondaı-aq jetekshi qazaqstandyq sarapshylar qatysýda.

«Konferentsııa kezinde biz elimizde qoldanylyp kele jatqan áskerı qaýipsizdik júıesin jáne onyń negizgi ózegi - memlekettiń áskerı uıymdastyrylýyn talqylaıtyn bolamyz. Plenarlyq sessııalar barysynda buryn áskerı basshylyq qyzmette bolǵan bilikti mamandar, áskerı ǵalymdar,  otandyq sarapshylar túrli máseleler boıynsha baıandama jasaıdy. Ol áskerı kúshti daıarlaý jáne qurý, áskerı kadrdardy daıarlaý, áskerı-texnıkalyq qamtý, qorǵanys-ónerkásiptik keshenderdiń salynýy men jaı-kúıine qatysty máseleler», - QSZI-diń Almaty qalasyndaǵy ókildiginiń ǵylymı qyzmetkeri Georgıı Dýbovtsev.

Jıyn qatysýshylarynyń atap ótkenindeı, áskerı qaýipsizdik salasynda engizilgen jańa ıdeıalar qazirgi zamanǵy qaýip-qaterlerge tótep berýge oń áser etedi.

«Álemde biz kórip otyrǵan kúrdeli úderister, árıne bizdiń tarapymyzdan tereń taldaýdy jáne bizdiń áskerı qaýipsizdigimizdi qalaı kúsheıtemiz degen saýalǵa jaýap tabýymyzdy qajet etedi», - dep atap ótti QSZI dırektory Erlan Karın.