Astanada sanıtarlyq talapty buzǵan taǵy 3 mekeme jabyldy
NUR-SULTAN. QazAqparat - Demalys kúnderi Nur-Sultanda sanıtarlyq normalardy saqtamaǵan 15 nysan basshylyǵyna eskertý jasalyp, 3 mekeme qaıta jabyldy, dep habarlaıdy QazAqparat.
Senbi-jeksenbi kúnderi barlyǵy 230 kásiporyn tekserilgen. Eskertý alyp, jabylǵan nysandar – ashanalar men kofehanalar.
Ákimdiktiń mobıldi toby polıtseılermen jáne epıdemıologtarmen birge sanıtarlyq talaptardy saqtamaıtyn mekemelerdi anyqtaý úshin kún saıyn reıd ótkizedi.
Buǵan deıin karantın talaptaryn buzǵany úshin jumysy toqtatylǵan nysandar sanıtarlyq-epıdemıologııalyq normalardyń qatań saqtalýyn qamtamasyz etpeıinshe jabyq bolady.
«Elordada maska taǵý rejımi áli de saqtalyp otyr. Avtobýstar, dúkender jáne halyq kóp jınalatyn basqa da jabyq jerlerde maska kıip, araqashyqtyqty saqtap, antıseptık paıdalaný qajet. Sanıtarlyq-epıdemıologııalyq normalar qatań saqtalmasa, qalada kúsheıtilgen karantın rejımin engizýge – nysandardyń jumysyn toqtatýǵa, qalada júrip-turýǵa shekteý engizýge týra keledi», - dedi ákimdikten.
Aıta keteıik, buǵan deıin elordada 120 nysannyń jumysy qaıta toqtatylǵan bolatyn.
