Astanada «Samuryq-Energo» kompanııalar toby qyzmetkerleri arasynda І sporttyq spartakıada ótýde

ASTANA. 15 tamyz. QazAqparat - 15-16 tamyz Astanadaǵy «Dáýlet» ulttyq tennıs ortalyǵynda «Samuryq-Energo» AQ kompanııalar toby qyzmetkerleriniń arasynda І spartakıada ótedi.

Uıymdastyrýshylardyń aıtýynsha, bul shara Memleket basshysy Nursultan Nazarbaevtyń Joldaýynda aıtylǵan halyqtyń densaýlyǵyn jaqsartý, salaýatty ómir saltyn qalyptastyrý, sportpen jáne dene shynyqtyrýmen aınalysatyndardyń sanyn arttyrý, sondaı-aq buqaralyq jáne ulttyq sport túrlerin keń taratý maqsatynda ótkizilip otyr.

Jarysqa irikteý týrlarynan irkilmeı ótken elimizdiń túrli qalalarynyń komandalary qatysady. Ár komandanyń quramynda 21 adamnan artyq bolmaýy tıis jáne olardyń barlyǵy «Samuryq-Energo» AQ-nyń qyzmetkeri bolýy qajet.

Jarystar shaǵyn fýtbol, voleıbol, ústel tennısi, asyq atý jáne shahmat sııaqty sporttyń 5 túrinen ótedi.