Astanada salynyp jatqan úılerge tsıfrlyq texnologııalar qoldanylýda

Búgin Astana ákimi Baqyt Sultanov «Bi-Group»kompanııasy nysandarynyń qurylys barysymen tanysty.

BI Group holdınginiń Basqarma tóraǵasy Amangeldi Omarovtyń aıtýynsha, ótken jyly kompanııa 800 myń m2 nemese búkil Qazaqstan boıynsha 7204 páterdi tapsyrǵan. Jobalardyń 70%-y 2-3 aı ishinde merziminen buryn berildi.

Jalpy sońǵy úsh jylda kompanııa qurylys merzimin 30%-ǵa qysqartty. «PREMЬERA» turǵyn úı kvartaly klassıkalyq emes stılde erekshe sáýletke ıe. Toqsan ishinde qurylys kompanııasynan klıentterge syılyq retinde jasyl skverli serýendeý alleıasy, oıyn jáne sport, fýtbol alańdary quryldy. Aýlalar kólik úshin tolyq jabyq, biraq shuǵyl qyzmetterge qoljetimdi. Árbir úı óner túrlerine - ádebıet, mýzyka, kıno, beıneleýge arnalǵan. Keshenniń ereksheligi BI Group jańa standarty boıynsha ornatylǵan qoqys jınaý júıesinde bolyp otyr. Bul baktar jartylaı jer astynda. Qoqysty shyǵarý úshin qaqpaqty ashý qajet (bul jel kezinde qoqys baktarynyń aınalasynda qoqystardy shashpaýǵa jáne sanıtarlyq normalar men estetıka deńgeıin saqtaý maqsatynda).

«700 páterdiń barlyǵy satyldy. Munda adamdar turyp jatyr. Sońǵy kezektegi jóndeýdiń jartysy qaldy. Bul bıznes-klass úıi. Barlyq aýla kommertsııalyq keńseleri jumys isteıdi. Munda shaǵyn meıramhanalar, sport klýbtary, tilderdi oqytý ortalyqtary, ıaǵnı turǵyndar úshin barlyq ınfraqurylym bar. Aýlada alleıa ornalasqan, ol qalanyń barlyq turǵyndary úshin qoljetimdi. Biraq ár úıde qaýipsiz aýla saıasaty qarastyrylǵan. Nysannyń «Premera» atyna saı, alleıada qyzyqty art-nysandar ornatylǵan», - dedi qurylys kompanııasynyń ókili. Osy úıde satylǵan taǵy bir noý-haý - «tastamattar» dep atalady.

Ideıa Baǵdad Mýsınmen birge júzege asyryldy. Onyń máni-sálemdemeni jáne basqa da zattardy jáshikte qaldyrýǵa bolady, ıesi ony QR kod arqyly ala alady. «Avenue 5» TK ótken aptada ǵana paıdalanýǵa berildi. Aýlanyń aýmaǵy úıdiń perımetri boıynsha qorshalǵan jáne baqylaý kameralarymen jabdyqtalǵan. Turǵyndarǵa yńǵaıly bolý úshin planshet nemese smartfon arqyly basqarý fýnktsııasy bar IP-domofon ornatylǵan. Bul úıdiń de óz erekshelikteri bar. Munda eýropalyq jáne reseılik qurylys kompanııalarynyń tájirıbesi boıynsha, úıge kósheden de, parkıngten de nemese aýladan da kirýge bolatyn «tolassyz» kireberis standarty qoldanylǵan. Sonymen qatar, qurylys salýshy dene múmkindikteri shekteýli adamdardyń yńǵaılylyǵy úshin esh jerde satylar bolmaıtyndaı etip jasaýǵa tyrysady. «Munda standartty jylý toraby ornatylǵan. Buryn esińizde bolsa, jertólede bári de boldy. Al munda temperatýralyq rejım. Standarttalǵan Grundfos jáne Danfoss sorǵylary, májbúrli jeldetý, buryn tabıǵı boldy. Al qazir mundaı standart árbir nysanda bar. «Tazalyq, tártip», - dedi Amangeldi Omarov.

Úıdiń taǵy bir ereksheligi - osy úıdiń turǵyndary úshin qonaqtardy qabyldaýǵa arnalǵan bólme.

«Basty nazar aýdararlyq - «Avenue» úıiniń kez kelgen turǵyny paıdalana alatyn 24 oryndyq tsokoldyq qabattaǵy jalpy qonaq bólmesi . Munda zal jabdyqtalǵan, sanıtarlyq torap jáne as úıi bar. Bul jerde shaǵyn otyrystar ótkizýge bolady. Sonymen qatar, bólme karaoke bar mýltıfýnktsıonaldy akýstıkalyq júıemen jabdyqtalǵan. Bul - Astanaǵa, Qazaqstanǵa kelgen ómir sapasynyń jańa standarty», - deıdi BI Group Development holdınginiń Basqarma tóraǵasy. 940 páterden turatyn «BI City Seoul» turǵyn úı keshenin shyn máninde «aqyldy» dep ataýǵa bolady. Úı-jaıǵa kirý úshin kiltter men kirýdi qamtamasyz etýdiń basqa da dástúrli quraldary paıdalanylmaıdy. Esikter betti taný júıesi arqyly ashylady. Osy júıege avtomobıldiń derekterin engizýge bolady, sonda parkıng qaqpasy avtomatty túrde ashylatyn bolady. Júıede málimetteri joq basqa adamdar úshin úı-jaıǵa kirýge tyıym salynady. Bul páterlerge de qatysty. Ádettegi kiltter de joq. 4 tańbaly kodty esikke arnaıy ornatylǵan tabloǵa engizgennen keıin avtomatty túrde ashylady. Páterde jylý, ylǵaldylyq, jaryq datchıkteri bar. Sý tasqyny kezinde sýdy jabý datchıgi de bar.

«Álemde úılerde úıde sýdyń aǵyp ketkeni týraly belgi beretin sensor ornatylady. Biraq bizdiń «fıshka» - bul keńsede otyryp, qosymsha arqyly ysyrmany óshirýge bolady. Oǵan qosa sý, elektr, jaryq shyǵyny týraly barlyq derekter úsh turǵyn úı kesheni úshin biryńǵaı dıspetcherlik ortalyqqa beriledi. Damý satysynda tek jaryqpen ǵana emes, teledıdarmen de daýysty basqarý júrip jatyr. Osylaısha, vanna nemese as úıde bola otyryp, arnalardy daýyspen aýystyrýǵa bolady. Sonymen qatar, úıdiń aýlasy koreı stılindegi landshaftyq dızaınmen bezendirilgen, al kúzet býdkasy parkıngten aýlaǵa shyǵarylǵan. Osy úıdiń aıasynda engizilgen taǵy bir jańa standart - eki sport aımaǵy, ıaǵnı jazda fýtbol alańy bolsa, al qysta hokkeı kordy. Jalǵyz ótinish balkondar, qoıma, qoqys oryndarynyń sanyn QNjT boıynsha qaıta qarastyrý qajet. Ákim qurylysshylardyń barlyq usynystaryn qoldap, qalalyq sáýlet basqarmasynyń mamandaryn tarta otyryp qaraýdy tapsyrdy. «BI Group nysandaryna engizilgen úzdik standarttardy qalada taratý kerek», - dedi Baqyt Sultanov kompanııa nysandaryn aralaý barysynda.