Astanada salynyp jatqan úıden órt shyqty
ASTANA. QazAqparat - Astanada salynyp jatqan ǵımarattan órt shyqty. Bul týraly QR ІІM TJK-niń resmı ókili Rýslan Imanqulov habarlady.
Onyń málimetterinshe, búgin saǵat 11:27-de Baıtursynov kóshesinde órt oqıǵasy týraly habarlama kelip túsken.
«Oqıǵa ornyna kelgen kezde «Myńjyldyq alleıasy» TK-niń salynyp jatqan 24 qabatty ǵımaratynda plastık buıymdar - penoplast jáne elektr kabeli órtenip jatqany anyqtaldy», - dedi ol.
Jalyn 30 sharshy metr aýmaqty sharpyǵan. Ony sóndirý úshin 5 tehnıka birligi men jeke quramnyń 24 adamy jumyldyryldy. Órt saǵat 11:47-de tolyq sóndirildi.
Qaza tapqandar men zardap shekkender joq.
