Astanada salynyp jatqan turǵyn úı kesheninen órt shyqty
ASTANA. QazAqparat – Elordada salynyp jatqan nysandardyń biriniń aýmaǵynda órt shyqty, dep habarlaıdy QazAqparat tilshisi.
Atalǵan oǵıǵaǵa qatysty vıdeo áleýmettik jelilerde tarap jatyr. Osy oraıda kýágerler órt bolǵan jerde birneshe ret jarylys bolǵanyn aıtyp jatyr.
Qalalyq tótenshe jaǵdaılar departamenti baspasóz qyzmetiniń málimetinshe, qyzyl jalyn Muhamedhanov kóshesindegi nysannyń birinde taraǵan. Oqıǵa ornyna eki órt sóndirý bólimi saǵat 16:28-de barǵan.
«Órt sóndirýshiler úsh gaz ballony jarylǵanyn jáne shatyrdy jabatyn 15 býma materıal janyp jatqanyn anyqtady. Órt saǵat 16:45-te aýyzdyqtalyp, saǵat 16:50-de tolyqtaı óshirildi. Oqıǵa ornynda jaralanǵan nemese zardap shekkender týraly málimet joq», - delingen departament habarlamasynda.
