Astanada salynyp jatqan qurylysta jumysshy bıiktikten qulap ketti
ASTANA. QazAqparat - Astana qalasyndaǵy Almaty aýdanynda «Áýlıe ata» turǵyn úı kesheninde jańadan salynyp jatqan qurylysta jumysshy bıiktikten qulap ketken.
Oqıǵa 14 mamyr kúni kúndizgi saǵat 11-ler shamasynda oryn alǵan. «DaDa» JShS tas qalaýshysy 1996 jyly týǵan azamat E.Asan jumys júrgizý kezinde 4-shi qabattaǵy bıiktikten qulap ketken. Túrli dene jaraqattaryn alǵan ol aýrýhanaǵa jetkizildi, dep habarlaıdy QR TJM baspasóz qyzmetinen.
Sondaı-aq Esil aýdany Qabanbaı batyr kóshesindegi №1682 transformatorlyq shaǵyn stantsııasynda oqys oqıǵa oryn aldy. Keshe saǵat 14.54 shamasynda montajdaý jumystaryn júrgizý barysynda «Astana-REK» AQ elektr monteri 1988 jyly týǵan azamat A.Afanasevti toq soqqan. Denesin kúıik shalǵan jumysshy aýrýhanaǵa jatqyzylǵan.
