Astanada salynyp jatqan ǵımarattyń 7-shi qabatynan qulaǵan jumysshynyń ólimine qatysty tergeý bastaldy
ASTANA. QazAqparat - Astanada 6 tamyzda, shamamen saǵat 20:10 Orynbor kóshesi boıyndaǵy ǵımarattardyń biriniń qurylysynda jumys kezinde 1984 jyly týǵan Qyzylorda oblysynyń turǵyny 7 qabattan qulaǵan, dep habarlady Astana qalalyq ІІD baspasóz qyzmetinen.
Er adam alynǵan jaraqattary saldarynan oqıǵa ornynda kóz jumdy.
«Bul fakt sot aldy tergeýiniń biryńǵaı tizimine tirkeldi. QR QK 156 baby boıynsha tergeý jumystary bastaldy. Tıisti saraptamalar taǵaıyndaldy», - dep habarlady Astana qalalyq ІІD baspasóz qyzmetinen.
