Astanada salynyp jatqan «Ábý-Dabı Plaza» ǵımaratynan taǵy da órt shyqty
ASTANA. QazAqparat - Astanada salynyp jatqan «Ábý-Dabı Plaza» ǵımaratynda taǵy da órt boldy, dep habarlady elordalyq TJD-nyń baspasóz qyzmeti.
«Ábý-Dabı Plazanyń» tómengi qabattarynyń tútindenýi týraly habarlama 1 sáýir kúni saǵat 00:43-te kelip tústi. Órt bólimsheleri oqıǵa ornyna kelip jetken kezde, mınýs ekinshi qabatta mıneraldyq maqta órtengeni anyqtaldy. Órt saǵat 01:16-da aýyzdyqtalyp, saǵat 03:25-te sóndirildi. Onyń sebebi anyqtalyp jatyr», - dep habarlady baspasóz qyzmetinen.
