Astanada salynyp jatqan «Ábý-Dabı Plaza» ǵımaraty taǵy da órtendi
ASTANA. QazAqparat - Astanada salynyp jatqan «Ábý-Dabı Plaza» bıik ǵımaraty taǵy da órtendi. Saǵat 07:47-de órt týraly habarlama kelip túsken, 08:50-de órt tolyqtaı sóndirildi.
Bul týraly Qazaqstan Respýblıkasy ІІM-niń Tótenshe jaǵdaılar komıtetiniń resmı ókili Rýslan Imanqulov habarlady.
«4 naýryz kúni saǵat 07:47-de Ábý-Dabı Plaza nysanynyń Túrkistan kóshesi jaǵyndaǵy korpýsynyń órtenip jatqandyǵy týraly habarlama kelip túsken. Oqıǵa ornyna kelip jetken órt sóndirýshiler mınýs 2-shi qabatynyń deńgeıinde mıneraldyq maqta (jylytqysh) órtenip jatqanyn anyqtady. Jalyn 50 sharshy metr aýmaqty sharpyǵan. Tilsiz jaýmen kúreske 5 negizgi, 4 arnaıy tehnıka birligi jáne jeke quramnyń 37 adamy jumyldyrylǵan. Órt saǵat 08:47-de aýyzdyqtalyp, saǵat 08:50-de tolyq joıyldy. Órttiń shyǵý sebebi anyqtalýda, oqıǵa ornynda mamandar jumys istep jatyr», - dep habarlady R.Imanqulov.
Eske sala keteıik, 2016 jyldyń 13 aqpanynda «Astana qalalyq TJD-niń «Órt sóndirý jáne apattyq-qutqarý jumystarynyń qyzmeti» MM kezekshisiniń pýltine salynyp jatqan «Ábý-Dabı Plaza» ǵımaraty bólikteriniń birindegi órt týraly habarlama kelip túsken. 10 mınýttan keıin órt sóndirýshiler oqıǵa ornyna kelip, tilsiz jaýdy aýyzdyqtaýǵa kiristi.
