Astanada salynyp bitpegen úıler balalardyń oıyn alańyna aınaldy
ASTANA. QazAqparat - Mektep oqýshylary qurylysy aıaqtalmaǵan nysandardyń tóbesinde oınap júrgen vıdeo ǵalamtordy sharlap ketti, dep habarlaıdy QazAqparat tilshisi.
Astana bilim basqarmasynyń baspasóz hatshysy Jazıra Asanova búgingi tańda basqarma aýdandyq ákimdiktermen, ІІD, TJD jáne basqa da memlekettik organdarmen yntymaqtastyqta qurylys nysandaryn, jertólelerdi, ǵımarattardyń tóbesin tekserý boıynsha aýqymdy jumys júrgizip jatqanyn málimdedi.
«Oqýshylarmen úzbeı túsindirý jumystaryn júrgizip, qaýipti nysandardy oınaýǵa bolmaıtynyn aıtyp uqtyryp kelemiz. Sondaı-aq kompanııalar basshylyǵymen salynyp jatqan nysandardyń aınalasyn qorshap, balalardy kirgizbeý boıynsha da jumys istep jatyrmyz», - deıdi Jazıra Asanova.
