Astanada salyq tóleýshilerge qyzmet kórsetý ortalyǵy ashyldy (FOTO)
Esil aýdanynyń turǵyndary men jańa ortalyqtyń qyzmetkerlerin Astana qalasy boıynsha memlekettik kirister departamentiniń basshysy Ábilqaıyr Sqaqov quttyqtady. Á. Sqaqov tilshilerge bergen suhbatynda salyq tóleýshilerge qyzmet kórsetetin ortalyqtyń mańyzyna toqtaldy.
«Elordamyzdyń sol jaǵalaýy jyldam qyrqynmen ósip jatyr, sondyqtan Esil aýdanynda zamanaýı tehnologııalarmen jabdyqtalǵan salyq tóleýshilerge qyzmet kórsetý ortalyǵy ashyldy. Qazirgi tańda salyq tóleýshilermen memlekettik kirister basqarmasy arasyndaǵy baılanys elektrondyq tártipke kóship jatyr. Astana qalasy turǵyndarynyń 95%-y memlekettik kirister basqarmasyna elektrondy esep tapsyrýǵa kóshken. Olardyń kóbiniń aıtýynsha, elektrondy esep jiberýdiń artyqshylyqtary kóp. Búgin ashylǵan jańa ortalyq salyq tóleýshilerdiń ýaqytyn únemdep, sapaly qyzmet alýlaryn qamtamasyz etedi. Óıtkeni qyzmet kórsetý elektrondy kezek arqyly júzege asyp jatyr», - dep bólisti departament basshysy.
Ortalyqta salyq tóleýshilerdiń óz betinshe ótinishter men salyq esepterin jiberýge arnalǵan termınal iske qosylǵan. Salyq tóleýshiler termınaldy paıdalanýdy tez úırenip, alǵashqy kúnnen bastap salyq esepterin júrgizip jatyr.
Astana qalasynyń kez kelgen salyq tóleýshisi ózderiniń salyqtyq mindettemelerin «Jeke kásipkerlerge arnalǵan salyq tóleýshiniń jeke kabıneti» servısi arqyly da óteı alady. Salyq tóleý merziminiń sońǵy kúnin kútip júrip ýaqyt ótkizip, salyqtyń negizgi somasyna ósimpul qosylmaı turǵanda ýaqytyly salyq mindettemelerin oryndaǵan durys, deıdi mamandar.
