Astanada salyq organdarynyń sheneýnigi 20 mln teńge para aldy degen kúdikpen qamaýda otyr

ASTANA. QazAqparat - Sybaılas jemqorlyqqa qarsy qyzmet Astana qalasy boıynsha memlekettik kirister departamentiniń bólim basshysyna qatysty tergeýdi aıaqtady, dep habarlaıdy QazAqparat.

Ol 2022 jyldyń jeltoqsanynda kvazımemlekettik kásiporynǵa júrgizilip jatqan tekserý boıynsha salyqty qosymsha esepteý somasyn tómendetkeni úshin 20 mln teńge kóleminde para alǵan.

Tergeý sotynyń sanktsııasymen kúdikti qamaýda.

Qazirgi ýaqytta Astana qalasynyń prokýratýrasy aıyptalýshyny sotqa berdi.

QR QPK 201-babyna sáıkes tergeý múddesi úshin ózge aqparat jarııa etýge jatpaıdy.