Astanada saltanattar úshin ókiletti sanattaǵy avtomobıl prokaty qyzmetin kórsetetin júrgizýshini óltirip ketti
ASTANA. 16 qyrkúıek. QazAqparat - Astana qalasy ishki ister departamentiniń tergeý basqarmasynyń qyzmetkerleri jaqynda aıýandyqpen kisi óltirý qylmysyn ashty.
Qalanyń ІІD baspasóz qyzmetinen habarlaǵandaı, saltanatty sharalar úshin ókiletti sanattaǵy avtomobıl prokaty qyzmetin kórsetetin júrgizýshi qylmyskerlerdiń qurbany boldy. Sol kúni oǵan belgisiz bireýler telefon arqyly habarlasyp, kezdesý jóninde ýaǵdalasqan.
Quramynda 4 adam bar jas jigitter bedeli avtomobıldi ıelený úshin aldyn ala ózderiniń jaýyzdyq josparlaryn quryp, bul maqsat úshin arnaıy uıaly telefondar satyp alǵan. Olardyń jospary mynadaı: gazetten ókilettegi sanattaǵy avtomobıl prokaty qyzmeti týraly jarnama boıynsha olar jolaýshylar tasý degen jeleýmen kezdesýge sóz baılasyp, sońynan avtokólikti ıemdenbek bolady.
Belgilengen jerde kezdesýdi belgileı otyryp, ylmyskerler bedeldi mashınany qolǵa túsirý josparyn jan-jaqty oılastyrady.
Ýádeli aýmaqta mashınaǵa mingen olardyń ekeýi pyshaq kezenip, júrgizýshini birneshe jerden jaraqattaıdy. Sodan keıin qymys izderin jasyrý úshin Dýlatov kóshesi jaǵyndaǵy ormandy aýmaqqa onyń denesin jasyrady.
Qylmystyq toptyń ár qatysýshysynyń belgili bir atqaratyn róli bolǵan. Bireý - ótkizýshi, biri - deldal, basqalary kisi óltirý jumystaryn bólisken.
S-sanatty «Mersedes Bents» mashınasyn qolǵa túsirgennen keıin olardyń biri nemere týysymen birge ony qosalqy bólshekterge satyp jiberýge ýaǵdalasqan.
17 tamyzda Astana qalasynyń Saryarqa aýdanyndaǵy ІІB-nyń kezekshi bólimine azamat «S» balasynyń mashınamen ketip, oralmaǵanyn aıtyp shaǵymdanady.
Budan ári ІІD jedel basqarý ortalyǵynyń baqylaý beınekamerasy arqyly zardap shekken adamnyń avtomashınasynyń qozǵalý baǵyttary anyqtaldy.
Jedel-izdestirý sharalarynyń barysynda bul mashına garaj qoǵamnyń aýmaǵynan tabyldy. Budan keıin joǵalǵan júrgizýshiniń pyshaqtalǵan denesi tabyldy.
Astana qalasy ІІD bastyǵy, polıtsııa general-maıory A.Áýbákirov jedel-tergeý toby qurylyp, úsh aptanyń ishinde aýyr qylmystyń ashylǵanyn aıtty.
Qylmystyqtyq topty ustaýdyń egjeı-tegjeıli uıymdastyrylǵan operatsııasy barysynda jedel qyzmetkerler men «Arlan» arnaıy qyzmetiniń jaýyngerleri osy qylmysty jasaǵan quramynda 4 adam bar qylmystyq topty ustady.
Qazirde QR QK 2-bólimi 96-baby boıynsha qylmystyq is qozǵaldy. Barlyq ustalǵandar Astana qalasy ІІD-niń ýaqytsha oqshaýlaý abaqtysyna qamaldy.
